وجه مرتضى منصور، رئيس نادي الزمالك الصادر بحقه حكم قضائي بالعزل من منصبه، رسالة نارية إلى محمود عبد الرازق شيكابالا قائد الفريق الكروي الأول، متهمًا إياه بتحريض اللاعبين في ظل الأزمة التي يمر بها النادي.
وخلال مقطع فيديو عبر قناة الزمالك، قال منصور موجهًا حديثه إلى شيكابالا :”ممدوح عباس استضاف الفريق الموسم قبل الماضي لما خدتوا الدوري، أهدى كل لاعب 100 ألف جنيه وأنت يا شيكابالا 300“.
وأضاف : “أنا اعرف إن اللي بيحب النادي ميتمردش، ويلم اللاعيبه ويقول مش هنزل التمرين، وعبد الواحد السيد مدير الكرة موجود، الكابتن المفروض يكون كبير، عيب خليك في نظرنا كبير“.
وتابع منصور:” طبعا اللاعيبة لها مستحقات، بس سيف الجزيري والمثلوثي اللي هما مش مصريين ولا ولاد النادي، معملوش كدا، وأنا بقولك أنت تسيء لنفسك أنت كابتن الفريق وعندنا 100 كابتن بعديك“، كما واصل “بتقول بنفرض عليك تعتزل، لا اللي هيقرر اعتزالك هو المدير الفني بس، واللي بيلعبك بردو أوسوريو، ولو أنا ليا مزاج أخليك متلعبش هقوله متلعبوش، لكن انا مش هقول كدا عشان انت لاعب موهوب“.
وأتم تصريحاته: “أنا مبنمش وأنا برا النادي، بسبب ممدوح عباس صاحبك وحبيبك اللي حاجز على النادي، وعاوزين نحلها عشان تدفع مستحقات اللاعبين اللي انت حاجز عليها“.
وفي وقت سابق، قال منصور في فيديو بثه عبر صفحته الرسمية على يوتيوب : “الزمالك يمر بأزمتين في الوقت الحالي وهي وقف القيد بسبب قضية سبورتنج لشبونة وشيكابالا وقضية أشيمبونج”.
وتابع: “شيكابالا له قضيتين في فيفا لأن الجماهير اختلط عليها الأمر، قضية بسبب نادي باوك اليوناني وهي قضية قديمة وقضية سبورتنج لشبونة البرتغالي”
